Opera – (Free)

Opera ပဵၼ်ပူဝ်ႊၵႅမ်ႊ browser ၸိုဝ်ႈလင်သုတ်းၼႂ်းလုမ်ႈၾႃႉထႅင်ႈဢၼ်ၼိုင်ႈ ဢၼ်ထုၵ်ႇၸႂ်ႉၵႂႃႇတူၺ်းဝႅပ်ႉ။ ၽွၼ်းလီၶွင် browser သႅၼ်းၼႆႉသမ်ႉ မၼ်းမီးၽၢင်ႁၢင်ႈၼႃႈတႃ ဢၼ်ႁၢင်ႈလီ လႄႈ တီႈလမ်ႇလွင်ႈသုတ်းၼၼ်ႉ မီးပူဝ်ႊၵႅမ်ႊလွင်ႈႁူမ်ႇလူမ်ႈမိူၼ်ၼင်ႇ VPN (Virtual Private Network) ပႃးမႃးၸွမ်းၼႂ်းတူဝ်မၼ်းၵမ်းလဵဝ် ၼၼ်ႉယူႇ။

Brave – (Free)

Brave Browser (ပလဵပ်ႉ ပလၢဝ်ႇသိူဝ်ႇ) ၼႆႉ ပဵၼ်ပူဝ်ႊၵႅမ်ႊတႃႇၶဝ်ႈတူၺ်းဝႅပ်ႉသႆၢႉ ဢၼ်ဝႆးလိူဝ် browser ၵမ်ႈၼမ်။ ၼႆႉပဵၼ်ယွၼ်ႉမၼ်းပိၵ်ႉပႅတ်ႈ ads လႄႈ trackers ၸိူဝ်း ဢၼ်ႁဵတ်းႁႂ်ႈလူတ်ႊၶေႃႈမုၼ်းထိူင်းၼၼ်ႉယူႇ။ ၵူၼ်းတင်းၼမ်ႁၼ်ထိုင်ဝႃႈ မၼ်းပဵၼ် browswer ဢၼ်မီးလွင်ႈႁူမ်ႇလူမ်ႈလႄႈလီ ၼႆယဝ်ႉ။

Firefox – (Free)

Mozilla Firefox ဢမ်ႇၼၼ်ၸိုဝ်ႈဢၼ်ၵႆႉႁူႉၸၵ်းၵၼ်ဝႃႈ Firefox (ၾႆးယႃးၾွၵ်ႉ) ၼၼ်ႉ ပဵၼ်ပူဝ်ႊၵႅမ်ႊၶဝ်ႈတူၺ်းဝႅပ်ႉ (web browser) ဢၼ်လီတီႈသုတ်းဢၼ်ၼိုင်ႈၼႂ်းလုမ်ႈၾႃႉ။ ပူဝ်ႊၵႅမ်ႊၼႆႉတႄႇပိုၼ်ၽႄႈၼႂ်းပီ 2004 ႄလႈမၼ်းထုၵ်ႇၸႂ်ႉလူၺ်ႈ ၽူႈၶူင်သၢင်ႈ (developer) ၶဝ်တင်းၼမ် ယွၼ်ႉဝႃႈမၼ်းပဵၼ်ပူဝ်ႊၵႅမ်ႊၽုၺ်ႇ (open source) လႄႈ မီးၶိူင်ႈမိုဝ်းၵမ်ႉထႅမ် (add on) ဢၼ်သႂ်ႇလႆႈထႅင်ႈတင်းၼမ်ၼႆယူႇ။ လိူဝ်သေၼႆႉ...

Google Chrome – (Free)

Google Chrome ပဵၼ်ပူဝ်ႊၵႅမ်ႊတႃႇတူၺ်းဝႅပ်ႉ (web browser) ဢၼ်ၸိုဝ်ႈလင်လႄႈမီးၵူၼ်းၸႂ်ႉၼမ်သုတ်း ၼႂ်းလုမ်ႈၾႃႉ။ ပူဝ်ႊၵႅမ်ႊၼႆႉ ၶူင်သၢင်ႈၶိုၼ်ႈလူၺ်ႈ ၶွမ်ႇပႃႇၼီႇ Google မိူဝ်ႈပီ 2008 လႄႈ တႃႇထိုင်ယၢမ်းလဵဝ် ပူဝ်ႊၵႅမ်ႊၼႆႉၸႂ်ႉလႆႈၼႂ်း WIndows၊ iOS၊ Linux၊ masOS၊ လႄႈ Android ၼႆယူႇ။

ၶၢဝ်ႇလိုၼ်းသုတ်း