ယၢမ်းလဵဝ် Microsoft Office လႅၵ်ႈလၢႆႈလုၵ်ႉဢဝ်သိုဝ်ႉပွၵ်ႈလဵဝ်ပဵၼ်လူဝ်ႇၸၢႆႇငိုၼ်းၼိုင်ႈပီ 99 တေႃႇလႃႇ။ ယွၼ်ႉၵႃႈၶၼ်မၼ်းယႂ်ႇလႄႈ ႁၼ်ဝႃႈၵူၼ်းမိူင်းႁဝ်းတၢင်းၼမ် ဢွၼ်ၵၼ်ၵႂႃႇၸႂ်ႉပူဝ်ႇၵႅမ်ႇဢၼ် crack ၸိူဝ်းဢမ်ႇလွတ်ႈၽေးလႄႈၶွမ်းၸၢင်ႈထုၵ်ႇႁႅၵ်ႉ hack လႆႈ။
ၶၢဝ်ႇလီတႄႉ ယၢမ်းလဵဝ်မီးပူဝ်ႇၵႅမ်ႇ Open Source (free) ႁွင်ႉဝႃႈ OnlyOffice ဢၼ်ႁဵတ်းၵၢၼ်မိူၼ်ၵၼ်လႄႈၽၢင်ႁၢင်ႈမိူၼ်ၵၼ်တင်း Microsoft Word၊ Microsoft Excel၊ Microsoft PowerPoint။ သင်ပီႈၼွင်ႉႁဝ်းယၢမ်ႈၸႂ်ႉပူဝ်ႇၵႅမ်ႇ Microsoft Office မႃးၼႆ လၢႆးၸႂ်ႉမၼ်းဢမ်ႇပိူင်ႈသင်ၵၼ်ၼႂ်း OnlyOffice။ လိူဝ်သေၼႆႉ ပူဝ်ႇၵႅမ်ႇၼႆႉသႂ်ႇမႃးပႃးတူဝ်သၢင်ႈလႄႈၵႄႈ (edit) ၾႆႇ PDF ၼႆၶႃႈ။
ပူဝ်ႇၵႅမ်ႇၼႆႉၸႂ်ႉလႆႈၼႂ်း Windows၊ macOS၊ Android၊ လႄႈ iOS ၼႆၶႃႈ။
